पंचायत समिती, तुळजापूर येथे तालुका शिक्षक पुरस्कार वितरण सोहळा संपन्न झाला. यावेळी १६ शिक्षकांचा आदर्श शिक्षक पुरस्काराने गौरव करण्यात आला.
पंचायत समिती, तुळजापूर येथे तालुका शिक्षक पुरस्कार वितरण सोहळा संपन्न झाला. यावेळी १६ शिक्षकांचा आदर्श शिक्षक पुरस्काराने गौरव करण्यात आला.
जिल्ह्यात अधिकाधिक रोजगार निर्माण व्हावा या अनुषंगाने आपण सातत्याने प्रयत्नशील आहोत. तुळजापूर तालुक्यातून महामार्गाचे जाळे तयार होत असल्याने उद्योगधंद्यासाठी रोजगाराच्या सर्व प्रकारच्या संधी मिळणार आहेत. स्थानिकांना निश्चित रोजगार मिळेल.
शिक्षकांच्या माध्यमातूनच चांगली पिढी घडते. या अनुषंगाने शिक्षकांनी आपल्या सेवाकाळात सक्षम व समर्थ विद्यार्थी घडवावेत. तसेच जुन्या पेन्शन संदर्भात शासन सकारात्मक आहे. त्यानुसार सर्व प्रलंबित प्रश्नांची सोडवणूक निश्चितच होईल असा विश्वास यावेळी व्यक्त केला.
याप्रसंगी तहसीलदार श्री.सौदागर तांदळे, भारतीय जनता पक्षाचे तालुकाध्यक्ष श्री.संतोष बोबडे, गटविकास अधिकारी श्री.प्रशांतसिंह मरोड, गट शिक्षणाधिकारी श्री.मेहरुन्निसा इनामदार, माजी जिल्हा परिषद सदस्य श्री.महेंद्र धुरगुडे, शिक्षकवृंद व नागरिक उपस्थित होते.
