संतश्रेष्ठ श्री गोरोबाकाका मंदिर व परिसर विकासासाठी आपल्या माध्यमातून विविध विकास कामांसाठी ७ कोटी रुपये निधी मंजूर करण्यात आला आहे. आजवर पहिल्यांदाच या ठिकाणी एवढा मोठ्या प्रमाणात निधी मंजूर झाला आहे.

या निधीतून संतश्रेष्ठ श्री गोरोबा काका, सहाव्या शतकातील पुरातन कालेश्वर मंदिराचे श्रेष्ठत्व जोपासणारी व मंदिराच्या मुळ स्थापत्य वैभवाला साजेशी विकासकामे करण्यात येणार आहेत. सार्वजनिक बांधकाम विभाग, बांधकाम विभाग (जि.प.) आणि पुरातत्व विभागाच्या अधिकाऱ्यांसह या परिसराची पाहणी करून अधिकाऱ्यांना निर्देश दिले आहेत.

मंदिराच्या संवर्धनासह दोन्ही मंदिरासमोर भव्य सभामंडप, भक्त निवासाचे उर्वरित बांधकाम, तेरणा नदीच्या पश्चिम बाजू कडील घाट बांधकाम, परिसरात बगीचा व सुशोभीकरण करण्यात येणार आहे.

तेरचा बृहत आराखडा तयार करण्यासाठी तेरणा पब्लिक चॅरिटेबल ट्रस्टच्या माध्यमातून वास्तुविशारद सल्लागाराची नेमणूक करण्यात आली होती. त्यांनी मंदिर विकासाचा प्राथमिक आराखडा तयार केला आहे. या आराखड्याप्रमाणे विकासकामे करण्यात येणार आहेत.

भाविकांची संख्या, यात्रा कालावधीतील गर्दीचे व्यवस्थापन व आवश्यक सोयी-सुविधा निर्माण करण्यात येणार आहेत. तसेच ओव्हरीच्या खिडक्या संत गोरोबाकाका मंदिरास लागून असलेल्या सभामंडपाच्या कमानी प्रमाणे करणे, ओव्हरीला लाल मातीच्या कामातील स्वरुप दिसून येण्यासाठी आवश्यक उपाययोजना करणे, ओव्हरी मधील मोकळ्या जागेत दगडी फ्लोरींग बसविणे, संत गोरोबाकाका मंदिरासमोरील पत्र्याचे शेड काढून मुख्य मंदिर अधोरेखित होईल अशाप्रकारे छताचे नियोजन करणे, पूर्व बाजुच्या ओव्हरीचे बांधकाम मुळ मंदिराच्या स्थापत्याला साजेसे करण्यासह तिन्ही बाजूचे दरवाजे पूर्व बाजुकडील दरवाज्याप्रमाणे दगडी स्वरुपाचे करण्याच्या सुचना अधिकाऱ्यांना दिल्या आहेत.

याप्रसंगी अधीक्षक अभियंता श्री.बी.एम.थोरात, कार्यकारी अभियंता श्री.एस.के.चव्हाण, जिल्हा परिषदचे कार्यकारी अभियंता श्री.नितीन भोसले, पुरातत्व विभागाचे सहायक संचालक श्री.अमोल गोटे, अजिंक्यतारा कन्सल्टंसीचे वस्तुविशारद श्री.गौरव ठाकरे, गोरोबा काका मंदिर देवस्थान ट्रस्टचे व्यवस्थापक श्री.साहेबराव सौदागर, वास्तू संग्रहालय बांधकाम कंत्राटदारांचे अभियंता श्री.परमेश्वर हिंगमिरे, माजी जिल्हा परिषदेचे उपाध्यक्ष श्री.शिवाजीराव नाईकवाडी, प्रदेश कार्यकारणी सदस्य श्री.सतीश दंडनाईक, उपसरपंच श्री.श्रीमंत फंड, माजी सरपंच श्री.नवनाथ नाईकवाडी, श्री.पद्माकर फंड, श्री.विठ्ठल लामतुरे, ग्रामपंचायत सदस्य श्री.अजित कदम, श्री.बबलू मोमीन, श्री.मज्जिद मणियार, श्री.सुमेध वाघमारे, श्री.विलास रसाळ, संबधित अधिकारी व ग्रामस्थ उपस्थित होते.

#संत #गोरोबाकाका #यात्रा #विकास #धाराशिव #gorobakaka #devlopment #dharashiv